माया सँग को एक पल ले नै प्यारो भयो जिन्दगी

तिमी बिना बाँच्नु पर्दा सारो भयो जिन्दगी

तिम्रो हुन सकिन अब कस्को हुनु छ

आए आँप गए झटारो भयो जिन्दगी

काहा चुके म कहाँ भुल भयो म बाट

एता न उता को खतारो भयो जिन्दगी

रावाण ले जस्तो हरन गर्न पनि सकिन मैले

दिन दिनै रक्सी को चटारो भयो जिन्दगी

काम पर्दा सम्झना आयो पछी त बिर्सी हालेउ

दही हुन्जेल काम लाग्ने कतरो भयो जिन्दगी

आज अर्कै भेटेउ अरे उतै खुशी हुन्छेउ रे

एता पिङ बिना को लठारो भयो जिन्दगी

तिमी बिना बच्न नसक्ने होईन म पनि

तर केहि बर्ष अब अफ्ट्यरो भयो जिन्दगी

आफु तातो सहेर अरुलाई  राम्रो बनाउने

मकै भुट्ने हाडीको कप्टेरो भयो जिन्दगी